دوهی رۆژا ئەینی بهایێ پەترۆلێ ب رێژا 1% داكەفت و ئەڤە سێیەم حەفتییە ل دویڤ ئێك بهایێ پەترۆلێ بەردەوام د داكەفتنێ دا یە.
ل دوماهی دەمێن داخستنا بازاران ل رۆژا ئەینی، بهایێ بەرمیلەكا پەترۆلا برێنت 81 سەنتان داكەفت و ب 74 دۆلار و 17 سەنتان بازار پێ هاتەكرن. هەروەسا بهایێ بەرمیلەكا خاڤا تێكساس یا ئەمریكی 83 سەنتان داكەفت و ب 70 دۆلار و 4 سەنتان بازار پێ هاتەكرن. هەردوو پەترۆلێن برێنت و تێكساس د دەمێ حەفتییەكێ دا 1.5% یا بهایێ خۆ ژدەستدا.
ئەگەرێن داكەفتنا بهایێ پەترۆلێ ژی بۆ پێشبینییێن سستبوونا رەوشا ئابووری یا ویلایەتێن ئێكگرتی و بلندبوونا بهایێ دۆلاری بەرامبەری دراڤێن دی ڤەدگەریت.
