<h3 style="text-align: justify;"><span style="font-size: 18pt;">جێگرێ سه‌رۆكێ په‌رله‌مانێ عیراقێ راگه‌هاند، چ مه‌ترسى ل سه‌ر پشكا كوردستانێ د بودجه‌یدا نینه، 17ى ڤێ هه‌یڤێ په‌رله‌مان دێ ل سه‌ر بودجه‌ى كۆمبیت و ئه‌و رێككه‌ڤتن كو په‌سه‌ندكرنا بودجه‌ى ژ 20ى ڤێ هه‌یڤێ نه‌بووریت.</span></h3> <h3 style="text-align: justify;"><span style="font-size: 18pt;">شاخه‌وان عه‌بدولا جێگرێ سه‌رۆكێ په‌رله‌مانێ عیراقێ د داخویانییێن رۆژنامه‌ڤانیدا دیاركر، پشتى گوهدارییا هه‌موو تێبینییان هاتییه كرن، د كۆمبوونا هه‌ڤپه‌یمانییا ب رێڤه‌برنا ده‌وله‌تێدا بریار ل دۆر په‌سه‌ندكرنا پرۆژه قانوونا بودجه‌ی هاته دان و چ تێبینى بۆ هندێ نینن كو په‌سه‌ندكرنا پرۆژه‌قانوونێ بهێته پاشخستن، به‌لكو ل سه‌ر وى بنه‌ماى بریار هاتییه دان ل رۆژا 17ى ڤێ هه‌یڤێ كۆمبوونا په‌رله‌مانى بهێته‌كرن، ئه‌گه‌ر دوێ رۆژێ دا نه‌بیت ژى ژ 20 گۆلانێ نه‌بووریت.</span></h3> <h3 style="text-align: justify;"><span style="font-size: 18pt;">شاخه‌وان عه‌بدولاى گوت ژى: ب چ شێوه‌یان مه‌ترسى ل سه‌ر پشكا كوردان د بودجه‌یدا نینه، ئه‌وا هه‌ى پشكه‌كه ژ رێككه‌ڤتنا سیاسى و دووپاتى ل هندێ ژى كر، ئه‌و رێككه‌ڤتنا سیاسى یا كو هاتییه كرن، دێ وه‌كو خوه هێته بجهئینان.</span></h3> <h3 style="text-align: justify;"><span style="font-size: 18pt;">هه‌روه‌سا ئاشكراكر، ب پشتراستیڤه ب په‌سه‌ندكرنا بودجه‌یا گشتییا عیراقێ، هه‌یڤانه پشكا هه‌رێما كوردستانێ و شایسته‌یێن وێ یێن دارایى دێ هێنه هنارتن، ئه‌و پرۆژه‌قانوونا كو دهێته په‌سه‌ندكرن، دێ ژ 1-1-2023ێ چیته دبوارێ بجهئینانێدا.</span></h3>
