<h3 style="text-align: justify;"><span style="font-size: 18pt;">ئه‌ندامه‌كێ جڤاتا نوونه‌رێن عیراقێ راگه‌هاند، بودجه‌یه‌ك بۆ هێزێن پێشمه‌رگه‌ى د بودجه‌یا گشتییا عیراقێدا هاتییه جهگیركرن، ئه‌ڤه دبیته جارا ئێكێ پێشمه‌رگه‌یێ كوردستانێ وه‌كو هێزه‌كا فه‌رمى ژ هێزێن ئه‌ردى یێن عیراقێ دهێته هژمارتن.</span></h3> <h3 style="text-align: justify;"><span style="font-size: 18pt;">سه‌گڤان سندى ئه‌ندامێ جڤاتا نوونه‌رێن عیراقێ بۆ ئاژانسا خانى دیاركر، بودجه‌یه‌ك بۆ هێزێن پێشمه‌رگه‌یێ كوردستانێ د بودجه‌یا گشتییا عیراقێدا هاتییه جهگیركرن، ئه‌ڤ دبیته جارا ئێكێ پێشمه‌رگه‌یێ كوردستانێ وه‌كو پشكه‌ك ژ هێزێن ئه‌ردى یێن عیراقێ دهێته په‌سه‌ندكرن.</span></h3> <h3 style="text-align: justify;"><span style="font-size: 18pt;">زێده‌تر گوت: ئه‌و بودجه‌یا هاتییه جهگیركرن، دێ بۆ دابینكرنا پێدڤییێن له‌شكه‌رى و مووچه‌ی بیت، دێ هه‌تا راده‌یه‌كێ مه‌زن بارگرانییێ ل سه‌ر وه‌زاره‌تا پێشمه‌رگه‌ى یا حكومه‌تا هه‌رێما كوردستانێ كێمكه‌ت.</span></h3> <h3 style="text-align: justify;"><span style="font-size: 18pt;">هه‌روه‌سا ئاماژه ب هندێ دا: لیوایا 20 یا هه‌ڤپشك دێ كه‌ڤیته ب سه‌ر وه‌زاره‌تا به‌رگرییا عیراقێڤه، پشتى بودجه‌یا گشتییا عیراقێ دهێته په‌سه‌ندكرن، ئه‌ڤ بریاره دێ چیته دبوارێ بجهئینانێدا.</span></h3>
