د.بیلال خه‌لیفه شاره‌زایێ ئابووری د گۆتاره‌كێ دا كو میدیایێن عه‌ره‌بی به‌لاڤ كریه ئاماژه ب وێ یه‌كێ كریه كو دۆلارێ ئه‌مریكی كه‌تیه د سه‌كه‌راتێن مرنێ دا و دیاركریه: شه‌رێ ئۆكراین گوهرینێن مه‌زن ب سه‌ر دۆلاری دا ئیناینه و نوكه هه‌ڤپه‌یمانێن ئه‌مریكا ژی به‌ره‌ڤ دراڤێن دی چووینه د پشت به‌ستنێ دا ب دراڤان، نوكه هه‌ڤپه‌یمانیا ئه‌مریكا وه‌لاتێ سعودیێ، ئالوگۆرێن بازرگانی یێن خوه گه‌له‌ك ل گه‌ل چینێ به‌ره‌ڤ پێشڤه برینه و گه‌له‌ك وه‌لاتێن رۆژئاڤایێن ئاسیا و كه‌نداڤ زێده‌تر ره‌فتارێ ب یوانی چینێ دكه‌ن ل جهێ دۆلارێ، هه‌روه‌سا ئیران و رووسیا وه‌كو دو ده‌وله‌تێن مه‌زن ل ده‌مێن بووری پتر پشت به‌ستنێ ب یۆرۆ و یوان و رۆپل دكه‌ن و ئێدی دۆلاری ئه‌و هه‌یبه‌تا به‌رێ نامینیت.
ل سه‌ر ئاستێ هه‌رێمێ ژی هه‌یامه‌كه دۆلار دادكه‌ڤیت و ئه‌ڤرۆ 100 دۆلار به‌رامبه‌ر بوو ب 143 هزار دینار و ل دووڤ گوتنا به‌رپرسێن ئیراقێ دێ 100 دۆلار گه‌هته 132 هزار دیناران.
