محه‌مه‌د شیاع سوودانى: ئه‌و فه‌رمانبه‌رێن هه‌ڤبه‌ستێن وان ژ پێنج سالان بووریبن، دێ بنه‌ هه‌رده‌مى

سه‌رۆكوه‌زیرێن عیراقێ دیداره‌ك دگه‌ل ده‌زگه‌هێن میدیایى یێن عیراقێ سازكر و به‌حسا چه‌ند بابه‌تان كر ژ وانا فه‌رمانبه‌رێن هه‌ڤبه‌ست و راگه‌هاند، ئه‌و فه‌رمانبه‌رێن بۆ ماوێ پێنج سالانه‌ ده‌وامێ دكه‌ن دێ بنه‌ هه‌رده‌مى.

محه‌مه‌د شیاع سوودانى سه‌روكوه‌زیرێن عیراقێ دیاركر، ئه‌وێن بۆ ماوێ پێنج سالان ب هه‌ڤبه‌ست ده‌وام كربیت، دێ بیته‌ فه‌رمانبه‌ره‌كێ هه‌رده‌مى، ئه‌ڤه‌ پشكه‌كه‌ ژ چاره‌سه‌رییێ بۆ وان كه‌سێن ب هه‌ڤبه‌ست كار كرى و هه‌ست ب سته‌مێ كرى، بۆ نموونه‌، وانه‌بێژه‌ك بۆ ماوێ هه‌شت سالانه‌ ب پاره‌یه‌كێ كێم خزمه‌تێ دكه‌ت و وانه‌یان دبێژیت، بودجه‌یا وان دێ هێته‌ زێده‌كرن داكو زێده‌تر خزمه‌تا وان بهێته‌كرن.