فوئاد حسێنى سه‌ره‌دانا كۆلێباى ب گرنگ هژمارت و ئاشكراكر، ئوكراینا وه‌لاته‌كێ چاندنێ و پیشه‌سازى یێ گرنگه، وان پێكڤه به‌حسا كارتێكرنێن ئابوورییێن شه‌رى و به‌رمایێن شه‌رى ل سه‌ر بهایێ وزێ كر.
وه‌زیرێ ده‌رڤه یێ ئوكراینا دبیته ئێكه‌م وه‌زیرێ ده‌رڤه یێ وى وه‌لاتى دماوێ 11 سالێن بووریدا سه‌ره‌دانا عیراقێ دكه‌ت و ئاشكراكر، ئه‌و دێ فوئاد حسێنى بۆ سه‌ره‌دانكرنا ئوكراینا گازى كه‌ت، و به‌حس ل هندێ كر، دڤێت زێده‌تر ل سه‌ر هه‌موو ئاستان كۆمببن، و ئه‌و رێككه‌ڤتن كو په‌یوه‌ندییێن دناڤبه‌را ئاژانسێن حكومیدا زیندى بكه‌ن، داكو گوتوبێژا هندێ بكه‌ن كا عیراق و ئوكراینا دشێن پێكڤه چ كار دبیاڤێن بازرگانى و په‌روه‌رده و دیجتلكرنێدا بكه‌ن.
