وه‌زاره‌تا خواندنا بلند بریاره‌ك بۆ قوتابییێن هه‌رێما كوردستانێ یێن ژ ده‌رڤه‌ى وه‌لاتى ده‌ركر

وه‌زاره‌تا خواندنا بلند و ڤه‌كۆلینێن زانستى د راگه‌هاندنه‌كێدا بریاره‌ك بۆ وان قوتابییان ده‌ركر یێن ژ ده‌رڤه‌ى وه‌لاتى دخوینن.

وه‌زاره‌تا خواندنا بلند و ڤه‌كۆلینێن زانستى دراگه‌هاندنه‌كێدا كو ئیمزایا د. ئارام محه‌مه‌د قادر وه‌زیرێ خواندنا بلند و ڤه‌كۆلینان و ب نڤیسارا ژماره‌ ( 527 ) یا وه‌زاره‌تا خواندنا بلند و ڤه‌كۆلینێن زانستى ل سه‌ره،‌ بریاره‌ك بۆ وان قوتابییێن ژ ده‌رڤه‌ى وه‌لاتى دخوینن ده‌ركر.

دراگه‌هاندن وه‌زاره‌تا خواندنا بلند دا هاتییه‌، ئه‌و قوتابییێن هه‌رێما كوردستانێ یێن ل وه‌لاتێ توركیا دخوین و ئه‌ردهه‌ژان كارتێكرن لێ كرى، رێك پێ هاته‌ دان هه‌تا دووماهییا سمسته‌رێ ب شێوه‌یێ ئونلاین به‌رده‌وامییێ ب خواندنێ بده‌ن، ژبلى بیاڤێن نوشدارى و ئه‌و بیاڤێن پێدڤى ب تاقیگه‌هـ و پراكتیكێ هه‌ى.

دپشكه‌كا دییا راگه‌هاندنێدا هاتییه‌، ئه‌و قوتابییێن هه‌رێما كوردستانێ یێن ژ ده‌رڤه‌ى وه‌لاتى دخوینن، دشێن بۆ جه‌ژنا پیرۆزا ره‌مه‌زانێ ژ 19-4-2023ێ هه‌تا 28-4-2023ێ ڤه‌گه‌رنه‌ هه‌رێما كوردستانێ.