ڕێڤەبەرییا ئاڤا دەوروبەرێن پارێزگەها دهۆکێ ڕاگەهاندیە، ژ ئەگەرێ بارانێن زۆر ئاڤا رووبارێ زێ شێلیبویە و پڕۆێ ستراتیجی یێ قەزا ئامێدیێ ھاتیە راوەستاندن و ئابووریێ د ئاڤێدا بکەن.
رێڤەبەریا ئاڤا دەوروبەرێن پارێزگەها دهۆکێ ئاگەهداریەک بەلاڤکریە و ڕاگەهاندیە، فەرمانگەها ئاڤا قەزا ئاميدێ داخواز ژ وەلاتییێن دەڤەرا ئامێدیێ دکەت مەزاختنێ د ئاڤێدا بکەن ژبەرکو پرۆژەیێ ستراتیجی بۆ دەمەکێ کاتی ھاتیە راوەستاندن.
ئاماژەکریە، پرۆژەیێ ئاڤا ستراتیجی یێ قەزا ئامێدیێ ژ رووبارێ زێی دهێت و سەرۆکانیا ئاڤێ ژی ل تورکیایە ژ ئەگەرێ بلندبوونا ئاستێ ئاڤێ و شێلیبوونێ کو گەهشتیە دۆرێن(15000)ێ بۆ ئەگەر پرۆژەیێ ستراتیجی بهێتە ڕاوستاندن چونکو شیانێن پرۆژەی تا (1000)ێ یە.
دیارکریە، ئاستێ بەرھەمئینانێ د پڕۆژەیێن كەڤندا زۆر کێمبوویە ، پڕۆژێ ھاوبەشی (سيریێ- شيلادزێ ) دكەڤیتە سەر ڕووبارێ (شين) ل باڵندا و ژێدەر ل گەلیێ (شيرانه)یە ل ناحيا دێرەلوکێ.
ئاشکرا کریە ژی، پرۆژەیێ ستراتیجی (70%) ئاڤا ڤان جهێن قەزا ئامێدیێ دابین دکەت: سەنتەرێ قەزایێ، ناوچەداریا سەرسنکێ، ناوچەداریا شێلادزێ، ناوچەداریا دێرەلۆکێ، کومەڵگەها قەدش، کومەلگەها هێتیتێ، دگەل چەند ژ گوندێن دی”. ئەو رێژا مایی ژ پرۆژەیێن کەڤن دهێتە دابین کرن، نوکە بتنێ پرۆژەیێن کەڤن کاردکەن نه ب رێژا ته مام ،لەوما داخازێ ژ وەڵاتیێن ڤان جهان دکەت کو مەزاختنێ د ئاڤێدا بکەن تا کو پرۆژەیێ ستراتیجی دووبارە کاردکەت.
