وەزارەتا ناڤخۆ یا حکومەتا هەرێمێ بەرسڤا ئیڤان فایق وەزیرا کۆچ و کۆچبەرێن عیراقێ ددەت و د پشکەکا بەیانا خوەدا ڕادگەهینیت، جهێ داخێ یە وەزیرا كۆچ و كۆچبەرێن عێراقێ، د دیدارەکا تەلەڤزیۆنیدا ل جهێ ئاماژەدان بە هۆكارێن سەرەكییێن نەڤەگەریانا ئاوارەیان و ئاستەنگێن پێش ڕێككەڤتنا شنگالێ، موزایەدەیان دکەت و گۆتنێن نە بەرپرسانە و بێ بنەما ل دۆر بابەتی ئاوارەیەیان و بۆ مەرەمێن سیاسی دکەت. ئەڤ جۆرێ دنیابینین و لێدوانان بۆ ڤەشارتنا خواستا ئاواران و ڤەشارتنا ڕاستیانە و، ب هیچ شێوەیەكی خزمەتا ڕەوشا ئاوارەیان و ئاساییبوونا ژیانا وان ناکەت.
وەزارەتا ناڤخۆ گۆتییە ژی، ڕادگەهینین ئەگەرێ سەرەكییێ نەڤەگەریانا ئاوارەیان ب پلە ئێک، هەبوونا کۆمەکا هێزێن نە یاساییە ل دەڤەرا شنگالێ و جێبەجێنەكرنا ڕێككەڤتنامەیا ناڤبەرا حكومەتا هەرێمێ و حكومەتا فیدڕاڵێ ل دۆر ئاساییكرنا ڕەوشا شنگالێ یە. مخابن هەتا نوکە ، ب ناڤێ ئاڤەدانكرنێ، هاریکارییێن ماددی پێشكێشی ئەوان هێز و ملیشیایێن نە یاسایی دهێتەکرن. ئەگەر وەزیرا كۆچ و كۆچبەران و هەڤئاوازێن وێ هندە ڕاستگۆنە و د خەما ژیانا ئاوارەیانن بلا بهێن كار بۆ ئاساییبوونا ڕەوشا شنگالێ بكەن، ئەوی دەمی هەم ئاڤەدانكردنا وێ دێ ساناهیتر بیت و هەم ژی ئەو ئاڤەدانكرن دێ د خزمەتا ئاوارەیان و ئاساییبوونا ژیانا واندا بیت.
