<h3 style="text-align: justify;"><span style="font-size: 18pt;">سه‌رپه‌رشتێ ئیداره‌یا سه‌ربه‌خۆ یا زاخۆ راگه‌هاند، پلانه‌كا چار سالى بۆ ئیداره‌یا سه‌ربه‌خۆ یا زاخۆ هاتییه دانان، و ئێك ژ پرۆژه‌یان دروستكرنا به‌نداڤه‌كا مه‌زنه ب كوژمێ 95 ملیۆن دیناران.</span></h3> <h3 style="text-align: justify;"><span style="font-size: 18pt;">گوهدار شێخۆ سه‌رپه‌رشتێ ئیداره‌یا سه‌ربه‌خۆ یا زاخۆ دیاركر، وان پلانه‌كا چار سالى بۆ زاخۆ دانایه، ئێك ژ پرۆژه‌یێن وان ئه‌وه دوو ناحییێن دى زێده‌بكه‌ن، هه‌روه‌سا سه‌رۆكوه‌زیران ره‌زامه‌ندى ل سه‌ر دروستكرنا به‌نداڤه‌كا مه‌زن ل زاخۆ دایه، نوكه دیزاین بۆ دهێته‌چێكرن و ره‌نگه ئه‌ڤ ساله ده‌ست ب دروستكرنا وێ بهێته‌كرن، كو دێ نێزیكى 95 ملیۆن دۆلاران لێ هێنه مه‌زاختن. </span></h3> <h3 style="text-align: justify;"><span style="font-size: 18pt;">گوهدار شێخوى ل دۆر پرۆژه‌یێن زاخۆ ئاشكراكر، 65%ێ یا جادده‌یێن زاخۆ نه‌هاتینه قێركرن، له‌وما سه‌رۆكوه‌زیرێن هه‌رێما كوردستانێ بریاردا 108 كیلۆمه‌تر بهێنه قێركرن و قووناغا ئێكێ ژى ده‌ستپێكرییه.</span></h3> <h3 style="text-align: justify;"><span style="font-size: 18pt;">سه‌باره‌ت پرۆژه‌یێ كۆرنیشى كو پرۆژه‌یه‌كێ گه‌شتیارییه و دێ ل سه‌ر رووبارێ خابوورل ناڤه‌راستا زاخۆ هێته دروستكرن، سه‌رپه‌رشتێ ئیداره‌یا سه‌ربه‌خۆ یا زاخۆ دیاركر، 14 ملیار دینار بۆ وى پرۆژه‌ى هاتینه خه‌رجكرن و ئه‌گه‌ر باران ب راوه‌ستن دێ د ده‌مێ هه‌یڤه‌كێدا هێته تمامكرن.</span></h3> <h3 style="text-align: justify;"><span style="font-size: 18pt;">هه‌روه‌سا ل دۆر به‌نداڤێ گوهدار شێخۆى ئاشكراكر، جهێ به‌نداڤێ ل سه‌ر رووبارێ خابووره و ل نێزیك سه‌نته‌رێ باژێرییه، بۆ كاره‌ب، چاندن و ئاڤ هه‌روه‌سا دبیاڤێ گه‌شتوگوزارێژى دا دێ مفایه‌كێ مه‌زن هه‌بیت. </span></h3>
