<h3 style="text-align: justify;"><span style="font-size: 18pt;">یاریكه‌رێ یانه‌یا ریال مه‌درید یا ئسپانى ڤێدى ڤالڤێردى كه‌ڤته ژێر مه‌ترسییا سزادانه‌كا دژوار، پشتى دگه‌ل یاریكه‌رێ یانه‌یا ڤیاریال ئه‌لێكس بایناى ب شه‌ر چووى.</span></h3> <h3 style="text-align: justify;"><span style="font-size: 18pt;">راپۆرتێن رۆژنامه‌ڤانى یێن ئسپانیا دیاركرن، پشتى یارییا شڤێدى یا ریال مه‌درید و ڤیاریالێ ل سانتیاگۆ بێرنابیویێ، ڤالڤێردى ل نێزیكى پاسا ڤیاریالێ ل هیڤییا بایناى راوه‌ستییا و داخواز ژێ كر، ئاخڤتنا خوه ئه‌وا ل سه‌ر كورێ وى گوتى دووباره بكه‌ت و پاشان بۆكسه‌ك ل ناڤ سه‌روچاڤێن وى دایه، كو راپۆرتێن ئسپانى ئاشكرا دكه‌ن، ل ده‌مێ یارییا ڤیاریال و ریال مه‌دریدێ ل 19 كانوونا دووێ یا بوورى ل یاریگه‌ها لاسیرامیكا، بایناى گوتبوو ڤالڤێردى: نوكه بكه گرى ژبه‌ركو كورێ ته ژدایك نابیت.</span></h3> <h3 style="text-align: justify;"><span style="font-size: 18pt;">ل دووڤ رۆژنامه‌یا سپۆرت یا ئسپانى، دبیت ئه‌ڤ روودانه بێى سزادانا ڤالڤێردى بدووماهى بهێت، ژبه‌ركو دادڤانێ یارییێ چ تشت د راپۆرتا خوه‌دا نه نڤێسینه، و لژنه‌یا به‌ریكانه‌یان لێكۆلینێ ل دۆر ڤى بابه‌تى ناكه‌ت، ئه‌گه‌ر چ سكالایێن فه‌رمى بدژى ڤالڤێردى نه‌هێنه تۆماركرن.</span></h3> <h3 style="text-align: justify;"><span style="font-size: 18pt;">لێ سپۆرتێ ئاماژه ب هندێ ژى دا، ئه‌گه‌ر ڤیاریال یان ژى ئه‌لێكس بایناى سكالایه‌كا فه‌رمى ب دژى ڤالڤێردى تۆماركر، ئێكه‌تییا ئسپانیا دێ لێكۆلینێ كه‌ت، ب تایبه‌ت كو دیمه‌نێن بۆكس لێدانێ د كامیرێن ئێمناهییێ یێن یاریگه‌هێدا هاتینه تۆماركرن، و ب ڤێ چه‌ندێ ڤالڤێردى تووشى پێرابوونێن قانوونى و سزایه‌كێ وه‌رزشى یێ دژوار بیت.</span></h3>
