هنارتنا نەفتا هەرێما کوردستانێ دێ دەستپێكه‌ته‌ڤه‌

پەرلەمانتاره‌كێ لژنا دارایی ل پەرلەمانێ عێراقێ راگەهاند، هه‌تا دووماهییا ڤێ هه‌یڤێ هنارتنا نەفتێ ب رێیا بۆرییا نەفتا هەرێما کوردستانێ دێ دەستپێکه‌تەڤە.

ئەڤڕۆ دوشەمبی، نەهرۆ رواندزی، جێگرێ سەرۆکێ لژنا نەفت و گازا حکومەتا هەرێما کوردستانێ گۆت، د ده‌مێ ڤان چەند رۆژان دا و هه‌تا دووماهییا ڤێ حه‌فتییێ هنارتنا نەفتێ ب رێیا بۆرییا نەفتا هەرێما کوردستانێ دێ دەستپێکه‌تەڤە.

گۆتییه‌ ژی، راگرتنا هنارتنا نه‌فتێ دێ زیانه‌كا مه‌زن گه‌هینیته حکومەتا عێراقێ و هەرێما کوردستانێ، چونکی راوەستاندنا 500 هزار بەرمیلێن نەفتێ د ئێك رۆژ دا و بهایێ فرۆشتنا هەر بەرمیله‌كێ، د هەر رۆژه‌كێ دا دێ ب كۆژمێ 35 ملیۆن دۆلاران زیان گه‌هنه‌ هه‌رێمێ.