سەرەڕای ڕێگریکرن و دروستکرنا ئالۆزیان ژ لایێ پەرلەمانتارێن سەربەخۆ ڤە ل درەنگییا شەڤا بووری دەنگدان ل سەر ڕاستڤەکرنا یاسایا ھەلبژارتنێن جڤاتێن پارێزگەھان ھاتەکرن.
جڤاتا نوونەرێن عیراقێ د روونشتنا شڤێدی دا کو یا تایبەت بۆ ب ھەلبژارتنێن جڤاتێن پارێزگەھانڤە، دەنگ ل سەر ئەڤان خالان دا کو گرێدای پارێزگەھا کەرکووکێ نە:
ئێك: پێداچوون بۆ تۆمارا دەنگدەران ب پشتگرێدان ب ئامارا سالا 1957 کو د بەرژەوەندیا پێکھاتەیا کوردان دایە.
دوو: بڕیار ھاتەدان کو ھەر پێکھاتەیەکا زوورترین دەنگان ژی ب دەستڤە بینیت، ئەو نەشێت بتنێ و بێی رێککەفتن چ پۆستەکی ئێکلا بکەت.
سێ: پارێزگەھا کەرکووکێ ل ھەلبژارتنێن بھێت یێن جڤاتا پارێزگەھان دێ 16 کورسی ھەبن و دێ ل سەر ئێك بازنە بیت.
ھەر سێ پێکھاتەیێن کورد و عەرەب و تورکمان ل سەر ئەڤان خالان رێککەفتن کر و دەنگ ل سەر یاسایا ھەلبژارتنێن جڤاتێن پارێزگەھان دا.
