عەقیدێ مافپەروەر هێمن سلێمان، رێڤەبەرێ پەیوەندی و ڕاگەهاندنێ ل ڕێڤەبەرییا پۆلیسێن پارێزگەها دهۆكێ بۆ ئاژانسا خانی ڕاگەهاند، لدووڤ یاسایا ژمارە 2 یا سالا2022ێ، نابیت وەلاتی چەكێ بێ مۆلەت هەلگرن و كەسێن چەكێن بێ مۆلەت بهەلگرن دڤێت بهێن ناڤێن خۆ ل بنگەهێن پۆلیسێن مالتا و پۆلیسێن نزاركێ تۆماربكەن.
رێڤەبەرێ پەیوەندی و ڕاگەهاندنێ بۆ ئاژانسا خانی گۆت، پۆلیسێن مە بەردەوام دوڤچوونا وان كه‌سان دكه‌ن یێن چەكێن بێ مۆلەت دهەلگرن و لدووڤ یاسایا نوی یا چەكی، سزایا ئەوان كەسان سالەك هەتا پێنج سالان گرتنە، هەروەسا دێ ب كۆژمێ دوو ملیۆن هەتا پێنج ملیۆنان هێنە سزادان.
عەقیدێ مافپەروەر هێمن سلێمان دیاركر، كۆمبوونەك ل ڕێڤەبەرییا پۆلیسان هاتییەكرن و دووپات ل هندێ هاتییەكرن كو نابیت ل رۆژا هەلكرنا ئاگری ب چ شێوەكی گۆلێن خۆشییێ بهێنە هاڤێتن و تیمێن پۆلیسان دێ هێنە بەلاڤكرن داكو هەر كەسێ تەقێ بكەت بهێتە دەستەسەركرن و سزاییێن وی گەلەك دتوندن كو دێ چەك ژێ هێتە وەرگرتن و هەتا پشتی نەوروزێ دێ هێتە دەستەسەركرن.
