نێچيرڤان بارزانى، سه‌رۆكێ هه‌رێما كوردستانێ، سپێدەهییا ئەڤرۆ پێشوازى ل جه‌نه‌راڵ ماتيو ماكفارلان، فه‌رمانده‌یێ هێزێن هه‌ڤپه‌يمانان ل عیراق و سووريا كر و سه‌رۆكێ هەرێمێ سوپاسییا ئه‌مر‌يكا كر بۆ هاریكاری و پشتەڤانییا وان یا بەردەوام.
د كۆمبوونێدا پێنگاڤێن پرۆسا چاكسازى و ڕێكخستنا پێشمه‌رگەی، و دوماهییك پێشهاتێن شه‌ڕێ دژە تيرۆرێ و هه‌ماهه‌نگيیا دناڤبەرا پێشمه‌رگه و سوپایێ عیراقێ بۆ بەرهنگاربوونا تيرۆرێ گۆتۆبێژكرن.
هه‌ردوو لایەن د هەڤڕابوون كو هێشتا مەترسییا داعش ل عیراق و سووريا هەیە و هێرشێ ل ئارامى و سه‌قامگيرییێ دكەن، بۆ ئه‌ڤێ مه‌به‌ستێ ژی دووپاتی ل گرنگيیا به‌رده‌وام یا پشتەڤانییا هه‌ڤپه‌يمانيیا ناڤدەولەتی ل عیراق و هه‌رێما كوردستانێ و هاريكارى و هه‌ماهه‌نگيیا پێشمه‌رگەی و سوپاىێ عیراقێ كر بۆ به‌ره‌نگاربوونا تيرۆر و نەهێلانا داعشێ.
هەروەسا د كۆمبوونێدا، په‌يوه‌ندييێن هه‌ولێر ـ به‌غدا، و رەوشا كه‌مپا هۆل ل سووريا و دووماهیك پێشهاتێن دەڤەرێ ب گشتى ته‌وه‌رەكێ دی یێ كۆمبوونێ بوون.
