وەزارەتا بازرگانی دەنگۆیەكێ ده‌رباره‌یی مووچەیێ فەرمانبەرێن وێ وه‌زاره‌تێ رەت دكه‌ت

وەزارەتا بازرگانی و پیشەسازییا حكومەتا هەرێما كوردستانێ رەت دكه‌ت كو مووچێ فەرمانبەرێن وێ بكه‌ڤنە سەر وەزارەتا بازرگانییا عێراقێ.

هه‌روسا گۆتییه‌: ل هنده‌ك دەزگه‌هێن راگەهاندنێ و پەیجێن سۆشیال میدیایێ دەنگۆیەك به‌لاڤبوویه‌ و گۆتییه‌ دێ مووچەیێ فەرمانبەرێن وەزارەتا بازرگانی و پیشەسازی یا هەرێمێ ئێخنه‌ سەر وەزارەتا بازرگانییا عێراقێ، ئه‌م دبێژین ئه‌ڤ دەنگۆیە یێ دوورە ژ راستییێ، ئەڤڕۆ شەمبییێ د كۆمبوونەكا هه‌ڤپشك دا هەردو وەزارەتان رێككەفتن ل سەر هندێ كرییە، كو ئه‌و “پاداشت” و ” شایستێن دارایی” یێن دهێنه‌دان بۆ فەرمانبەرێن وەزارەتا بازرگانییا عێراقێ، بده‌نه‌ فەرمانبەرێن وەزارەتا بازرگانی و پیشەسازییا هه‌رێمێ.