ئه‌ڤرۆ چارشەمبی 2023/2/15 ێ” ل هه‌ولێرێ، نێچيرڤان بارزانى، سه‌رۆكێ هه‌رێما كوردستانێ، د ديداره‌كێ دا ل گه‌ل ماتسومۆتۆ فوتۆشى، باليۆزێ نوو یێ ژاپۆنێ له عێراقێ، ده‌رباره‌یی ده‌لیڤێن باشتركرنا په‌يوه‌ندی یێن ژاپۆنێ ل گه‌ل عێراقێ و هه‌رێما كوردستانێ و بیاڤێن هاريكاريیا هه‌ڤپشك یێن دناڤبه‌را وان دا به‌حس كرن.
سه‌رۆك نێچیرڤان بارزانى پیرۆزباهییا ده‌ستبكاربوونا بالیۆزێ ژاپونێ كر و سۆپاسییا هاریكاری یێن ئاژانس و رێكخستنێن ژاپۆنى بۆ هه‌رێما كوردستانێ كر و ته‌كه‌ز كر، خواستا هه‌رێما كوردستانێ ل گه‌ل به‌رفره‌هكرنا په‌یوه‌ندیێن ژاپۆنێ نیشان دا.
هه‌روه‌سا بالیۆزێ ژاپۆنێ خواستا وه‌لاتێ خۆ بۆ ب هێزكرنا په‌یوه‌ندییان و هاریكارییا هه‌ڤپشك ل گه‌ل عیراقێ و هه‌رێما كوردستانێ ته‌كه‌ز كر و ئاماده‌ییا وه‌لاتێ خۆ بۆ به‌رفره‌هكرنا كار و چالاكیێن خۆ ل عیراق و هه‌رێما كوردستانێ نیشان دا.
ره‌وشا سياسيیا عیراقێ، په‌يوه‌ندی یێن هه‌ولێر ـ به‌غدا و داوی پێشهاتێن ڤێ ده‌ڤه‌رێ ب گشتى، ته‌وه‌ره‌كێ دیتر یێ وێ ديدارێ بوو.
