مه‌ریوان قه‌ره‌نی: رێكکەفتنا دەستپێکی دناڤبەرا ھەرێمێ و بەغدا دا ھەیە

ئاژانسا خانی ” تایبەت:

جێگرێ سەرۆکا فڕاکسیۆنا پارتی ل پەرلەمانێ عێراقێ ئاشکرا کر، رێکكەفتنا دەستپێکێ دناڤبەرا ھەرێمێ و بەغدا ھاتییە کرن ل دۆر پرسێن ھەلاویستی و دبێژیت، بەلێ ھێشتا پشکا ھەرێما کوردستانێ دناڤا پڕۆژە قانوونا بودجەیی دا نەھاتییە ئێکلا کرن.

مەریوان قەرەنی، زێده‌تر بۆ ئاژانسا خانی دیارکر” زنجیرەکا کۆمبووما دناڤبەرا شاندێ دانوستاندکارێ ھەرێما کوردستانێ و لایەنێن بەغدا ھاتینە کرن لدۆر پرسێن ھەلاویستی یێن دناڤبەرا ھەردو ئالییان” نوكه‌ ژی دانوستاندن د بەردەوامن و بەری نوکە ژی چەندین جاران شاندێ ھەرێمێ سەرەدانا بەغدا کرییە لدۆر قانوونا نەفت و غازێ و بودجەیی و ژ ئەنجامێ وان دانوستاندنان دەستکەفت ھەبووینە.

مەریوان قەرەنی گۆت ژی” ھێشتا پڕۆژە قانوونا بودجەیی نەگەھشتییە پەرلەمانێ عێراقێ، لەوما پشکا ھەرێما کوردستانێ نەھاتییە ئێکلا کرن دێ چەندبیت ئەڤە دێ مینیت بۆ دەمێ ھاتنا پڕۆژە قانوونا بودجەیی بۆ ناڤا پەرلەمانی و دێ وی دەمی ھێتە ئێکلا کرن.