<h3 style="text-align: justify;"><span style="font-size: 18pt;">مه‌سرور بارزانى سه‌رۆكێ حكومه‌تا هه‌رێما كوردستانێ دگه‌ل مایك برایسن ریچاردسن بالیۆزێ بریتانیا ل عیراقێ كۆمبوو و چاره‌سه‌ركرنا ئاریشه‌یێن دناڤبه‌را هه‌رێما كوردستانێ و حكومه‌تا فیدرالیدا گوتوبێژكر.</span></h3> <h3 style="text-align: justify;"><span style="font-size: 18pt;">ل دووڤ راگه‌هاندنه‌كا حكومه‌تا هه‌رێما كوردستانێ، مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل مایك برایسن ریچاردسن بالیۆزێ بریتانیا ل عیراقێ كر.</span></h3> <h3 style="text-align: justify;"><span style="font-size: 18pt;">دراگه‌هاندنێدا ئاماژه ب هندێ هاتییه دان، ته‌وه‌ره‌كێ سه‌ره‌كییێ كۆمبوونێ یێ تایبه‌ت بوو ب ره‌وشا ناڤخۆ یا هه‌رێما كوردستانێ و گرنگییا كرنا پرۆسه‌یا هه‌لبژارتنان.</span></h3> <h3 style="text-align: justify;"><span style="font-size: 18pt;">مه‌سرور بارزانى دكۆمبوونێدا دووپاتى ل گرنگییا ئێك هه‌لویستییا لایه‌نێن كوردستانێ ب ئاراسته‌یێ داكۆكیكرنێ ل مافێن ده‌ستوورییێن هه‌رێما كوردستانێ كر.</span></h3> <h3 style="text-align: justify;"><span style="font-size: 18pt;">سه‌رۆكێ حكومه‌تێ دووپاتكر، پێدڤییه هه‌لبژارتن ل ده‌مه‌كێ گونجاى یێ ئه‌ڤ ساله بهێنه‌كرن و رێكارێن قانوونى یێن برێڤه‌برنا پرۆسه‌یا هه‌لبژارتنان ب زووترین ده‌م تمامببن و حكومه‌تا هه‌رێمێ ژى یا ئاماده‌یه هه‌موو پێدڤییێن هه‌لبژارتنان دابین بكه‌ت.</span></h3> <h3 style="text-align: justify;"><span style="font-size: 18pt;">دوێ دیدارێدا مایك برایسن بالیۆزێ بریتانیا ل سه‌ر گرنگییا نه‌هێلانا هه‌موو ئاریشه و ئاسته‌نگێن به‌رده‌م برێڤه‌برنا پرۆسه‌یا هه‌لبژارتنان دئه‌ڤ ساله‌دا یێ هه‌ڤرابوو.</span></h3> <h3 style="text-align: justify;"><span style="font-size: 18pt;">د ته‌وه‌ره‌كێ دییێ كۆمبوونێدا پێدڤییا چاره‌سه‌ركرنا ئاریشه‌یێن دناڤبه‌را هه‌رێما كوردستانێ و حكومه‌تا فیدرالیدا ل سه‌ر بنه‌مایێن ده‌ستوورى هاته گوتوبێژكرن، و بالیۆزێ بریتانیا پشته‌ڤانییا وه‌لاتێ خوه بۆ پاراستنا ئاسایش و سه‌قامگێرییا هه‌رێما كوردستانێ دووپاتكر.</span></h3>
