پێشبینى دهێته‌كرن به‌فر ل سه‌نته‌رێن باژێران بباریت

په‌یڤدارێ وه‌زاره‌تا ڤه‌گوهاستن و گه‌هاندنێ راگه‌هاند، ژبه‌ر هاتنا هه‌وایه‌كێ جه‌مسه‌رى یێ ساردتر ل رۆژا ئه‌ینیا بهێت، پێشبینى دهێته‌كرن به‌فر ل سه‌نته‌رێن باژێران بباریت.

دیلان ره‌شاد په‌یڤدارێ وه‌زاره‌تا ڤه‌گوهاستن و گه‌هاندنێ راگه‌هاند، پێشبینییا به‌فربارینێ ل به‌هرا پتر یا ده‌ڤه‌رێن چیایى و نیڤ چیایى و سه‌نته‌رێن پارێزگه‌هێن دهۆك، سلێمانى و هه‌له‌بجه‌ هه‌یه‌، و شه‌پۆله‌كا به‌فر بارینا چر دێ ده‌ڤه‌رێن چیایى یێن سنوور ژى گریت.

ئاماژه‌ ب هندێ ژى دا، كارتێكرنا ئه‌وى بایێ سارد یێ هه‌ڤده‌مه‌ دگه‌ل نزمبوونا پله‌یێن ده‌ریایا ناڤه‌راست كو دنوكه‌دا وه‌كو شه‌پۆله‌كا باران بارینى ل سه‌ر ده‌ڤه‌رێیه‌، و زێده‌تر گوت: كارتێكرنا ئه‌وى ئاراسته‌یێ بایێ سار دێ بۆ ماوێ چه‌ند رۆژان ل هه‌رێما كوردستانێ مینیت.