عومه‌ر به‌كر، بەرپرسێ پەیوەندییێن پشكا رەوشەنبیری و ڕاگەهاندنێ یا پارتی دیموكراتی كوردستان بۆ ئاژانسا خانی ڕاگەهاند، بڕیارە ئەڤرۆ شاندێ پارتی ب سەرۆكایەتییا مەحمود محەمەد، ئەندامێ دەستەیا كارگێری یا مەكتەبا سیاسی ل دەمژمێر 11سپێدێ سەرەدانا ئێكگرتووی ئیسلامی كوردستان بكەت و چەندین بابەتان گۆتۆبێژبكەت.
به‌كر دیاركر، هەروەسا بڕیارە ئەڤرۆ ل دەمژمێر 1ێ نیڤرۆ هه‌مان شاندێ پارتی و ژبۆ بهێزكرنا پەیوەدییان سەرەدانا كۆمەلا دادگەری بكەت و دگەل كۆمبیت، هەروەسا د حەفتییا بهێتدا دێ ئەڤ سەرەدانە د بەردەوام بن و شاندێ پارتی دێ سەرەدانا چەند ئالییێن سیایی كەت.
بەرپرسێ پەیوەندییێن پشكا رەوشەنبیری و ڕاگەهاندنێ یا پارتی دیاركر، ئەڤ سەرەدانێن شاندێ پارتی پشتی هندێ هاتن كو د كۆنگرەیێ چاردێ دا بڕیار هاتبوو دان كو پارتی پێداچوونێ د پەیوەندییێن خۆ دا بكەت دگەل ئالییێن سیاسی بۆ بهێزكرنا پەیوەندییان.
