خولێن شیاندانێ بۆ دەرچوویێن چاندن و ڤێتەرنەریێ لدهۆکێ دەستپێکر

وەزارەتا کشتوکال و ژێدەرێن ئاڤێ راگەهاند، بمەرەما بەرەڤپێشبرنا شیانێن دەرچوویێن کولیژێن چاندن و ڤێتەرنەریێ یێن فۆرما پەیداکرنا دەلیڤێن کاری ل پارێزگەها دهۆکێ پرکرین، رێڤەبەریا گشتی یا چاندنێ دەست ب ڤەکرنا خولان کر.

دیارکر ژی، هەر د ڤێ چارچوڤێ دا ل سەنتەرێ باژێرێ دهۆکێ و قەزا ئاکرێ خولێن شیاندن و پێگەهاندنێن تایبەت هاتن ڤەکرن و دێ بۆ ماوێ پێنج رۆژان بەردەوام بن.

وەزارەتا کشتوکالی ئاماژە کریە،  ل پارێزگەها دهۆکێ 2104 دەرچوویان فۆرم پڕ کربوون و د چەندین قۆناغان دا خول بۆ وان دهێنە ڤەکرن.

ئاشکرا کریە ژی، وەزارەتا چاندن و ژێدەرێن ئاڤێ یا حکومەتا هەرێما کوردستانێ دەلیڤێن کاری بۆ 5000 ( پێنج هزار ) دەرچوویێن چاندن و ڤێتەرنەریێ راگەهاندبوو کو ژوانا ژی نێزیکی 1000 ( هزار ) دەرچوویێن دهۆکێ دێ مفادار بن.