جڤاتا نوونه‌ران حه‌فتییا بهێت ل دۆر پرۆژه‌قانوونا بودجه‌یا گشتى یا ئیراقێ بۆ سالا د2021 ئێخیته به‌رنامه‌یێ كارى و دلنوستاندنان ل دۆر كه‌ت.
ئه‌ندامه‌كێ جڤاتا نوونه‌ران بۆ رۆژنامه‌یا سه‌باح راگه‌هاندییه، په‌رله‌مان ل رۆژا سێشه‌مبا بهێت دێ پرۆژه‌قانوونا بودجه‌ی ئێخیته كاری و گۆتوبێژان ل سه‌ر كه‌ن، بۆ په‌سه‌ندكرنا پرۆژه‌قانوونا بودجه‌ی كارێن خۆلێ ژی بو ده‌ما مه‌هه‌كێ درێژكرینه و د سه‌ر كێموكاسییان دا بودجه د ده‌ما دیاركری دا دێ هێت په‌سه‌ندكرن ژ به‌ر كو ئیراق د ره‌وشه‌كا ئابوری یا دژوار دا یه ب تایبه‌ت پشتی نزمبوونا بهایێ دینارێ ئیراقی.
ڤیان سه‌بری، سه‌رۆكا فراكسیۆنا پارتی ل جڤاتا نوونه‌رێن ئیراقێ ژی پێشتر بۆ خانی نیوز راگه‌هاندییه؛ چه‌ندین مادده ل دۆر پشكا هه‌رێمێ هاتینه نڤێسین ل گۆره‌ی رێككه‌فتنێ بڕیاره پشكا كوردان 12.67% وه‌كو سالا 2019 بیت و داهاتێ په‌ترۆلێ راده‌ستی ئیراقێ بكه‌ن و نیڤا داهاتێ ده‌روازه‌یان دێ بۆ كوردان بیت وه‌كو ل سه‌ر رێككه‌فتین.
سه‌رۆكا فراكسیۆنا پارتی دپرسیارا خانی نیوز دا ل دۆر زامن كرنا مافێ كوردان د پرۆژه‌قانوونێ دا خویا ژی كر، بزاڤان دكه‌ن پشكا هه‌رێمێ بپارێزن و ل گۆره‌ی رێككه‌فتنێ بهێت ده‌ربازكرن ژ به‌ركو ده‌نگدان ژ ئالیێ چه‌ندین په‌رله‌مانتاران ل سه‌ر پشكا كوردان نه‌یا ب ساناهی یه.
