<h3 style="text-align: justify;"><span style="font-size: 18pt;">موقته‌دا سه‌در، رێبه‌رێ ره‌وتا سه‌درى بۆ به‌رهنگاربوونا هه‌ڤره‌گه‌زخوازان یان ( كۆمه‌لگه‌ها میمى ( <strong>LGBTQ</strong> ) داخوازا كۆمكرنا ئێك ملیۆن ئیمزایان كرییه.</span></h3> <h3 style="text-align: justify;"><span style="font-size: 18pt;">ئه‌ڤرۆ ئێكى كانوونا ئێكێ یا 2022ێ نڤێسینگه‌ها موقته‌دا سه‌در، رێبه‌رێ ره‌وتا سه‌درى د راگه‌هاندنه‌كێدا به‌لاڤكر، سه‌درى داخواز ژ نڤێسینگه‌ها خوه یا تایبه‌ت كرییه هه‌ماهه‌نگییا تمام بۆ سه‌رپه‌رشتیكرنا نڤێژا رۆژا ئه‌ینییێ بكه‌ت، ب مه‌ره‌ما كۆمكرنا ئیمزایا ئێك ملیۆن كه‌سان بۆ پشته‌ڤانیكرنا به‌رهنگاربوونا هه‌ڤره‌گه‌زخوازان ل ده‌مێ نڤێژا ئه‌ینییێ.</span></h3> <h3 style="text-align: justify;"><span style="font-size: 18pt;">موقته‌دا سه‌در داخوازێ ژ كارمه‌ند و كارگێرێن ره‌وتا سه‌درى دكه‌ت ل ئه‌ڤێ ئه‌ینییێ ده‌ست ب كۆمكرنا ئیمزایان بكه‌ن، و هه‌تا دووماهى ئه‌ینییا هه‌یڤا شه‌عبانێ یا سالا 1444ێ كوچى دبه‌رده‌وامبن.</span></h3> <h3 style="text-align: justify;"><span style="font-size: 18pt;">هه‌ر ئه‌ڤرۆ موقته‌دا سه‌درى، فۆرمه‌ك به‌ڤلاكرییه كو ناڤ و ئیمزایا وى لسه‌ر، و دفۆرمێدا ئاماژه كرییه، دێ ب رێكه‌كا ره‌وشتى و درووست و ئایینى به‌رهنگارى هه‌ڤره‌گه‌زخوازان یان كۆمه‌لگه‌ها میمى بن كو به‌رۆڤاژى سرۆشتێ مرۆڤایه‌تییێ نه.</span></h3>
