سه‌رۆكوه‌زیرێن نوو یێ بریتانیا نامه‌یه‌ك بۆ سه‌رۆكێ حكومه‌تا هه‌رێما كوردستانێ هنارت و تێدا ئاماژه ب په‌یوه‌ندییێن دێرین یێن هه‌رێما كوردستانێ و وه‌لاتێ بریتانیا دا.
سه‌رۆكوه‌زیرێن نوو یێ بریتانیا ریشى سوناك د نامه‌یه‌كا خوه‌دا بۆ سه‌رۆكێ حكومه‌تا هه‌رێما كوردستانێ مه‌سرور بارزانى دیاركر، بریتانیا په‌یوه‌ندییه‌كا دێرین دگه‌ل هه‌رێما كوردستانێ هه‌یه، و یێ كه‌یفخۆشه كو په‌یوه‌ندییا وان یا دیرۆكى ئه‌ڤرۆ ژ هه‌ر ده‌مه‌كێ دى بهێزتره، و ئه‌وان گه‌له‌ك بها و بوارێن هاریكارییێ یێن هه‌ڤپشك دگه‌ل ئێك هه‌نه.
سه‌رۆكوه‌زیرێن بریتانیا پابه‌ندییا وه‌لاتێ خوه ب ئاسایش و سه‌قامگێرییا هه‌رێما كوردستانێ وه‌ك پشكه‌ك ژ عیراقه‌كا بهێز و ئێكگرتى دیاركر، هه‌روه‌سا دووپاتى ل گرنگرییا پێشڤه‌برنا په‌یوه‌ندییێن دناڤبه‌را هه‌رێما كوردستانێ و بریتانیادا ب تایبه‌ت دبوارێن بازرگانى و وه‌به‌رهێنان و چاندنێ و دیجیتالكرنا واندا كر.
سه‌رۆكوه‌زیرێن بریتانیا ل دووماهییا نامه‌یا خوه گوت: ب خوشحالیڤه ل هیڤییا كاركرنێ یه دگه‌ل هه‌رێما كوردستانێ دماوێ سه‌رۆكوه‌زیرییا خوه‌دا.
