د. ھه‌وار نێروەیی: جادا عيراقى گەھشتییە وێ باوەرییێ دڤێت ئاریشا کوردان بهێته‌ چارەسەر كرن

ئاژانسا خانی ، تایبەت:

دوهی سێشه‌مبی” نێچیرڤان بارزانی ” سەرۆکێ ھەرێما کوردستانێ سەرەدانا بەغدا کر و چاڤدێرەکێ سیاسی ژی دبێژیت، جادا عیراقی گەھشتییە وێ باوەرییێ دڤێت ئاریشا کوردان بھێتە چارەسەر کرن و لدووڤ دستووری سەرەدەری ل گەل ھەرێما کوردستانێ بھێتە کرن.

د. ھه‌وار نێروەیی، چاڤدێره‌كێ سیاسییه‌ بۆ ئاژانسا خانی دیار کر” جادا عێراقی گەھشتییە وێ باوەریێ ئاریشێن ناڤبەرا ھەرێم و بەغدا ب تنێ ب رێیا دانوستاندنان بھێنە چارەسەر کرن، ئاریشە ب رێکێن سەربازی و رێکێن دی ناھێنە چارەسەر کرن، یا گرنگتر ئەڤ گڤاشتنێن مەزنن ژلایێ ئیران و تورکیاڤە بۆ سەر ھەرێما کوردستانێ ئەڤە رامانا وێ چەندێ ددەت” دبیت حوکمەتا فیدڕالی ژی مەرەمێن خوە ھەبن، ئەز باوەرم پرسا کوردان ب تایبەتی ل باشوورێ کوردستانێ بوویە پرسەکا نێڤدەولەتی ل چەرخێ ٢١ ێ، لەوما دەولەتێن دەڤەرێ نەچارن پرسا کوردان ب رێکێن دبلۆماسی چارەسەر بکەن.

ناڤهاتی گۆت ژی” سەرەدانا سەرۆکێ ھەرێما کوردستانێ بۆ عێراقێ و ھەڤدیتنێن دگەل بەرپرسێن عێراقی و لایەنێن سیاسی خالەکا ئەرێنییە و پێدڤییە ئەو سەرەدان بەردەوامبن و لۆبیەک بھێتە چێکرن ئاریشە ب رێیا دستووری بھێنە چارەسەر کرن، لایەنێ عێراقی خواست ھەیە ئاریشان دگەل ھەرێما کوردستانێ چارەسەر بکەت، بەلێ ناھێتە ڤەشارتن لایەن ژی ھەنە ل عێراقێ بەرژەوەندیا وان د ھندێ دایە ئاریشە نەھێنە چارەسەرکرن، چونکی زێدەتر دێ دەلیڤە ھەبیت گەندەلییێ بکەن و دەمێ ئاریشە نەمینن ل عێراقێ بێگومان ئەوان لایەنێن سیاسی چو کاریگەری ژی نامینیت.