لژنەیا خودانێن موه‌لیدەیێن ئەھلی ل دھۆکێ راگەھاند: ئەڤرۆ کارەبا گشتی ل ھه‌ژمارەکا تاخێن دھۆکێ دێ ھێتە برین ژبەر کارکرنێ د وه‌ستگەھێن کارەبا گشتی دا و ل شوینا وێ دێ کارەبا موه‌لیدەیان ھێتە بەردان.
ھەکار ھرۆری پەیڤدارێ لژنەیا خودانێن موالیدەیان راگەھاند: ژبەر کارکرنێ د وه‌ستگەھێن کارەبا گشتی دا ل ھژمارەکا تاخێن دھوکێ ئەڤرو کارەبا گشتی دێ ھێتە بڕین و ل شوینا وێ کارەبا موه‌لیدەیان بو وەلاتیان دێ ھێتە بەردان، دیارکر ژی كر، دا كو بارگرانی ل سه‌ر کارەبا موه‌لیدەیان دروست نه‌بیت و ب دروستاھی بھێتە به‌ردان، ئێڤاریا ئەڤرۆ كاره‌با موه‌لیده‌یان بۆ ده‌مێ دەمژمێره‌كێ دێ ھێتە ڤەمراندن.
ھەکار ھرۆری گۆت: ئەو ھاتینە ئاگەھدارکرن ھەر ژ دەف نەخوشخانەیا تەنگاڤیان تا پیشەسازیا دھۆکێ ھەروەسا ژ تاخێ شندۆخا تا نزارکێ کارەب دێ ھێتە بڕین.
