د سەرەدانەکێ دا بۆ ناحییا دێرەلۆکێ جێگرێ کونسۆلێ فرەنسا ل هەرێمێ و شاندێ ل گەل دا” ل گەل بەرپرسێن کارگێرێ یێن ناحییا دێرەلۆکێ دانوستاندن ل سەرچێکرنا په‌یكه‌ره‌کێ بۆ وی سەربازێ خوە یێ ل دێرەلۆکێ گیانێ خوە ژ دەست دایی کرن.
غازی عزەت رێڤەبەرێ ناحیا دێرەلۆکێ ب وەکالەت بۆ ئاژانسا خانی دیار کر: وی پێشوازی ل رۆدۆلف ریچارد جێگرێ کونسولێ گشتی یێ فرەنسا ل هەرێما کوردستانێ کر و گۆت: د وێ سەرەدانێ دا دانوستاندن ل سەر دانان و چێکرنا په‌یكه‌ره‌کێ بۆ وی سەربازێ فرەنسی یێ ل سالا ١٩٩١ ل دێرەلۆکێ ژ ئەگەرێ پەقینەکا مینەکێ گیانێ خوە ژ دەست دایی.
ئه‌و ژی گۆت: جێگرێ کونسۆلێ فرەنسا داخاز ژ مه کر” کو جهێ وی سەربازێ گیانێ خوە ژ دەست دایی بهێتە دەستنیشانکرن و پەیکەرەک یان بەرەکێ رێزگرتنێ بۆ وی وەک سەمبۆل ل وی جهی یان ژی نێزیک وی جهی بهێتە چێکرن.
ئاشکرا کر ژی، جهـ هاتییە دەست نیشانکرن و دێ د دەمێن بهێت دا و د رێ و رەسمەکی لەشکەری دا ناڤ و وێنێ وی ل سەر هێتە دانان.
