<h3 style="text-align: justify;"><span style="font-size: 18pt;">ئه‌ڤرۆ 27 چریا ئێكێ یا 2022ێ محه‌مه‌د شیاع سوودانى سه‌رۆكوه‌زیرێن راسپاردى یێ عیراقێ كارنامه‌یا حكومه‌تا خوه راگه‌هاند.</span></h3> <h3 style="text-align: justify;"><span style="font-size: 18pt;">دبه‌شه‌كێ كارنامه‌یا محه‌مه‌د شیاع سوودانیدا هاتییه، حكومه‌تا هه‌رێما كوردستانێ و حكومه‌تا فیدرال دێ پرۆژه قانوونه‌كێ ده‌رباره‌ى نه‌فت و غاز و بودجه‌ى ل دووڤ ده‌ستوورێ عیراقێ دماوێ شه‌ش هه‌یڤاندا به‌رهه‌ڤكه‌ن.</span></h3> <h3 style="text-align: justify;"><span style="font-size: 18pt;">هه‌روه‌سا هاتییه، ب پشته‌ڤانییا ئه‌وان هێزێن سیاسى یێن لسه‌ر ئه‌ڤێ كارنامه‌یێ رێككه‌ڤتین، حكومه‌تا هه‌رێما كوردستانێ و حكومه‌تا فیدارل دێ بۆ گوتوبێژكرنێ ل سه‌ر كه‌یسا نه‌فت و بودجه‌ى هه‌تا ده‌ركرنا پرۆژه قانوونا نه‌فت و غازێ ل دووڤ ده‌ستوورى دماوه‌یێ شه‌ش هه‌یڤاندا هێنه راسپاردن.</span></h3> <h3 style="text-align: justify;"><span style="font-size: 18pt;">بۆ دارێشتنا پرۆژه قانوونا نه‌فت و غازێ د كارنامه‌یا سوودانیدا هاتییه، لژنه‌یه‌كا تایبه‌تمه‌ند ب كاروبارێن سیاسى، دارایى و سووته‌مه‌نى ژلایێ حكومه‌تا هه‌رێما كوردستانێ و عیراقێ دێ هێته پێكئینان.</span></h3>
