حكومه‌تا هه‌رێما كوردستانێ راگه‌هاند، ل سه‌نته‌رێن دلى نشته‌رگه‌رى و پشكنین بۆ كه‌سوكارێن شه‌هیدان و زیندانییێن سیاسى دێبێ به‌رامبه‌ر هێنه‌كرن.
سایتێ فه‌رمى یێ حكومه‌تا هه‌رێما كوردستانێ دراگه‌هاندنه‌كێدا ئاماژه ب هندێ دا، ل دۆڤ رێككه‌ڤتنا دناڤبه‌را هه‌ردو ( وه‌زاره‌تا كار و كاروبارێن شه‌هید و ئه‌نفالكرییان) و ( وه‌زاره‌تا ساخله‌مییێ )دا، پشكنین و نشته‌رگه‌رى و چاره‌سه‌رییێن ساخله‌مییێ بۆ كه‌سوكارێن شه‌هیدان و زیندانییێن سیاسى و ئێكانه‌یێن جینوساید و به‌ركه‌ڤتییێن چه‌كێ كیمیایى دێبێ به‌رامبه‌ر هێنه كرن.
ل دۆڤ نڤیساره‌كا وه‌زاره‌تا ساخله‌مییێ، ب پشته‌ڤانییا وه‌زاره‌تا كار و كاروبارێن شه‌هید و ئه‌نفالكرییان و ئاماژه دان ب كۆدێ تایبه‌ت ل سه‌نته‌رێن دلى، نشته‌رگه‌رى و پشكنینێن دلى بۆ كه‌سوكارێن شه‌هیدان، زیندانییێن سیاسى، ئێكانه‌یێن جینوسایدان و به‌ركه‌ڤتییێن چه‌كێ كیمیایى ل پارێزگه‌هێن دهۆك، هه‌ولێر و سلێمانى دێبێ به‌رامبه‌ر هێنه‌كرن.
