<h3 style="text-align: justify;"><span style="font-size: 18pt;">جڤاتا وه‌زیرێن عیراقێ راسپارده‌یه‌كا وه‌زاره‌تا ده‌رڤه یا وه‌لاتێ خوه ب ڤه‌كرنا كونسۆلخانه‌یا قه‌ته‌ر ل هه‌ولێرێ په‌سه‌ندكر، هه‌روه‌سا عیراق دێ كونسۆلخانه‌یا خوه ل ئه‌وى وه‌لاتى ڤه‌كه‌ت.</span></h3> <h3 style="text-align: justify;"><span style="font-size: 18pt;">ئه‌ڤرۆ چارهى چریا ئێكێ یا سالا 2022ێ جڤاتا وه‌زیرێن عیراقێ ب سه‌رۆكایه‌تییا سه‌رۆك وه‌زیران مسته‌فا كازمى روونشتنا خوه یا حه‌فتییانه سازكر و چه‌ند بابه‌ت گوتوبێژكرن.</span></h3> <h3 style="text-align: justify;"><span style="font-size: 18pt;">دكۆمبوونێدا چه‌ند بریار هاتنه دان، ئێك ژ وان په‌سه‌ندكرنا راسپارده‌یا وه‌زاره‌تا ده‌رڤه یا عیراقێ ل دوور ڤه‌كرنا كونسۆلخانه‌یا گشتى یا قه‌ته‌ر ل هه‌ولێرێ بوو، ئه‌وژى پشت به‌ستن ل سه‌ر هه‌ردوو مادده‌یێن ( 25 و 26 ) ژ قانوونا خزمه‌تا ده‌رڤه ( 45یا سالا 2008 )ێ و رێككه‌ڤتنا ڤیه‌ننا بۆ په‌یوه‌ندییێن كونسۆلخانه‌یان ل سالا 1963ێ، هه‌روه‌سا عیراقێ ب هه‌مان شێوه دێ ل داهاتوى كونسۆلخانه‌یا خوه ل قه‌ته‌رێ ڤه‌كه‌ت.</span></h3>
