سه‌رۆكێ حكومه‌تا هه‌رێما كوردستانێ پیشوازى ل كونسۆلێ گشتى یێ نوو یێ كوریا باشۆر ل كوردستانێ كر

سه‌رۆكێ حكومه‌تا هه‌رێما كوردستانێ پێشوازى ل كونسۆلێ گشتى یێ نوو یێ كوریا باشۆر چۆ كیجۆنگ ل هه‌رێما كوردستانێ كر.

سه‌رۆكێ حكومه‌تێ مه‌سرور بارزانى ل سه‌ر ئه‌كاونتێ خوه‌ یێ فه‌یسبۆكى راگه‌هاند، ئه‌وان پێشوازى ل كونسۆلێ گشتى یێ نوو یێ كوریا باشۆر ل هه‌رێما كوردستانێ كر، پیرۆزباهییا كاركرنێ لێكر و داخواز سه‌ركه‌ڤتنێ بۆ كر، و ئاماژه‌ ب په‌یوه‌ندییێن مێژوویى و تایبه‌ت یێن دناڤبه‌را هه‌رێما كوردستانێ و كوریا دا كر، و هیڤى خواستن په‌یوه‌ندییێن هه‌ردوو لایانان دهه‌موو بواراندا به‌ره‌ڤ پێشڤه‌ بچن.

زێده‌تر مه‌سرور بارزانى ئاشكراكر، كونسۆلێ گشتى یێ كوریا كورتییه‌ك ده‌رباره‌ى كار و چالاكییێن خوه‌ ل هه‌رێما كوردستانێ دیاركر، و سوپاسییا لایه‌نێن په‌یوه‌ندیدار یێن حكومه‌تا هه‌رێما كوردستانێ بۆ هاریكارى و هه‌ماهه‌نگییا وان یا باش دگه‌ل كونسۆلخانه‌یا وه‌لاتێ خوه‌ كر.