دادگه‌ها به‌غدا وه‌زیرێ نه‌فتا عیراقێ و ژماره‌كا به‌رپرسێن ئه‌وێ وه‌زاره‌تێ بۆ ڤه‌كۆلینێ ل سه‌ر فرۆتنا نه‌قانوونى یا ژماره‌كا پارچه زه‌ڤییێن ب بها گازیكرن.
دادگه‌ها تێهه‌لچوونا كه‌رخ ل به‌غدا نڤیساره‌ك ئاراسته‌یى كۆمپانییا نه‌فتا نیشتیمانى كر و تێدا كرییه، وه‌زیرێ نه‌فتا عیراقێ ئیحسان عه‌بدولجه‌بار و سێ به‌رپرسێن دى یێن ئه‌وێ وه‌زاره‌تێ ده‌ست ب سه‌ر هژماره‌كا پارچه زه‌ڤییێن ب بها كو مولكێ ده‌وله‌تێ نه گرتییه، و ب شێوه‌یه‌كێ نه‌قانوونى ب رێكا كۆمپانییا نه‌فتا نیشتیمانی فرۆتینه.
ل دووڤ تۆمارا هه‌میشه‌یى، ئێك ژ ئه‌وان پارچه زه‌ڤییان مولكێ كۆمپانییا ناڤه‌راسته كو رووبه‌رێ وێ ژ 9339 مه‌تران زێده‌تره و ل سالا 2019ێ هاتییه فرۆتن، و ئه‌و وه‌زیره و به‌رپرسێن دى ل دووڤ مادده‌یێ 316ى یێ قانوونا سزایێن عیراقێ بۆ دادگه‌هێ هاتینه گازیكرن.
