خانی نیوز:
سەرۆکێ دەستەیا ئامارێن ھەرێما كوردستانێ دیار كر، ب مەره‌ما پاشخستنا پرۆسا سەرژمێریا ئیراقێ ، دەستەیا بلند یا سەرژمێریێ پێشنیازەک دایه جڤاتا وەزیران.
سیروان محەمەد، سەرۆکێ دەستەیا ئامارێن ھەرێما کوردستانێ راگەھاند، ھەتا نها ب فەرمی ئه‌و نەھاتینە ئاگەھدارکرن ل سەر پاشخستنا پرۆسا سەرژمێریا ئیراقێ، لێ دەستەیا بلند یا سەرژمێریا ئیراقى، كو وەزیرێ پلاندانانێ سەرۆکاتیا وێ دکەت پێشنیازەک بۆ جڤاتا وەزیران ھنارتیە و تێدا داخوازا پاشخستنا وێ پرۆسێ بۆ دووماهیا سالا ٢٠٢١ کریە.
ناڤهاتى گۆت ژى: ل گۆره‌ى رێککەفتنا وان ل گەل ئیراقێ، پێدڤى بوو ڤێ حەفتیێ دو تیمێن تەکنیکی یێن ئامارا ئیراقێ سەرەدانا ھەرێمێ بكه‌ن، لێ ژ ئالیێ سەرۆکێ دەستەیا ئامارێن ئیراقى ڤه ھاتینە ئاگەھدار کرن، کو ئەو سەرەدانە بۆ دەمەکێ نەدیار ھاتیە پاشخستن.
داخوازا پاشخستنا پرۆسا سەرژمێریا گشتی هاته‌كرن
