كاره‌با گوندێن سه‌ر ب ناحییا كانى ماسێ ڤه‌ هاته‌ چاره‌سه‌ركرن

دبه‌رده‌وامییا شه‌ر و پێكدادانێن دناڤبه‌را چه‌كدارێن په‌كه‌كێ و له‌شكه‌رێ توركیا دا ل سنۆرێ قه‌زا ئامێدییێ و ته‌قه‌كرنا ل نێزیك هێلا كه‌یڤى 11 فیده‌رێ ئاسته‌نگى یێ سه‌ر ب وێستگه‌ها كانى ماسێ ڤه‌ ل گوندێ دشێشێ، كاره‌با هژماره‌كا گوندان هاتبوو‌ برین، لێ ژلایێ رێڤه‌به‌رییا كاره‌با قه‌زا ئامێدییێ ڤه‌ هاته‌ چاره‌سه‌ركرن.

رێڤه‌به‌رێ  كاره‌با قه‌زا ئامێدییێ ئارام جه‌لال سه‌عید بۆ ئاژانسا خانى دیاركر، ب هه‌ماهه‌نگى دگه‌ل لایه‌نێن په‌یوه‌ندیدار و ب ئاماده‌بوونا به‌رپرسێ سه‌خبێرییا كاره‌با كانى ماسێ هه‌ر زوو ژلایێ تیما سه‌خبێرییا كاره‌با كانى ماسێ ڤه‌ هاته‌ چاره‌سه‌ركرن.