حكومه‌تا هه‌رێما كوردستانێ كوژمێ 32 ملیار دیناران بۆ پرۆژه‌یێن خزمه‌تگوزارى ل سنوورێ قه‌زا به‌رده‌ره‌ش ته‌رخانكرینه، و ل چه‌ند رۆژێن بهێن هژماره‌كا پرۆژه‌یێن نوو دێ چنه دبوارێ بجهئینانێ دا.
ب فه‌رمانا سه‌رۆكێ حكومه‌تا هه‌رێما كوردستانێ مه‌سرور بارزانى، پاره‌كێ مه‌زن بۆ قه‌زا به‌رده‌ره‌ش هاتییه ته‌رخانكرن و پرۆژه ب دوو قۆناغان كه‌ڤتینه دبوارێ بجهئینانێ دا، كو 14 ملیار دینار بۆ پرۆژه‌یێن جودا هاتینه خه‌رجكرن، و هژماره‌كا دى یا پرۆژه‌یان ب كوژمێ چار ملیار دیناران كه‌ڤتینه دبوارێ بجهئینانێ دا.
بریاره ل چه‌ند رۆژێن بهێن هژماره‌كا به‌رچاڤ یا پرۆژه‌یێن خزمه‌تگوزارى بكه‌ڤنه دبوارێ بجهئینانێ دا كو دێ ب كوژمێ 14 ملیار دیناران هێنه بجهئینان، و سه‌رجه‌مێ پاره‌یێ بۆ پرۆژه‌یێن نوو هاتییه ته‌رخانكرن 32 ملیار دینارن.
پرۆژه‌یێن به‌رده‌ره‌شێ ب سه‌ر سنوورێن قه‌زایێ هاتینه دابه‌شكرن و هه‌موو دبیاڤێ ساخله‌مى و په‌روه‌رده و رێكان و خزمه‌تگوزارییێن گشتى دانه، و چه‌ند رێكێن ستراتیجى ل به‌رده‌ره‌شێ دێ هێنه درووستكرن كو دێ كارتێكرنێ ل ره‌وشا خزمه‌تگوزارى یا سنوورێ قه‌زایێ كه‌ن.
