سه‌رۆكێ ئه‌مریكا جۆ بایدنى ل ده‌مێ پێشكێشكرنا گوتاره‌كێ، توشبوونا خوه ب په‌نجه‌شێرێ راگه‌هاند و دیاركر، ئه‌و ل ژییێ زارۆكینییێ ل نێزیك پالاوگه‌هه‌كا نه‌فتێ دژیا له‌وما تووشى چه‌نجه‌شێرێ بوویه.
بایدنى ل ده‌مێ پێشكێشكرنا گوتاره‌كێ ل دوور بلندبوونا پله‌یێن گه‌رمێ دیاركر، ل ده‌مێ زارۆكینییێ ئه‌و ل باژێرێ كلیمۆنت دژیا و خانییێ وان نێزیكی پاوله‌گه‌هه‌كا نه‌فتێ بوو، ئه‌و و هه‌موو كه‌سێن نێزیكى وێ پالاوگه‌هێ دژیاین تووشى په‌نجه‌شێرێ بووینه، و مه‌زنترین رێژه‌یا توشبوونێ ب په‌نجه‌شێرێ ل وێ ده‌ڤه‌رێ هاتییه تۆماركرن.
كوچكا سپى یا سه‌رۆكایه‌تییا ئه‌مریكا به‌یاننامه‌یه‌ك ل دوور ڤى بابه‌تى به‌لاڤكر و تێدا دیاركر، بایدن به‌رى ببیته سه‌رۆكێ ئه‌مریكا چاره‌سه‌رییا په‌نجه‌شێرێ وه‌رگرتبوو و ژ ڤێ ئێشێ ساخ ببوو.
دهێته زانین نوكه بایدن دژییێ 79 سالییێ دایه و وه‌كو ب ته‌مه‌نترین سه‌رۆك د دیرۆكا ئه‌مریكا دا دهێته هژمارتن، و كار بۆ درێژكرنا ویلایه‌تا خوه یا سه‌رۆكایه‌تییێ هه‌تا سالا 2024ێ دكه‌ت.
