ژێده‌ره‌كێ نێزیك ژ خێزانا لیۆنێل مێسى ستێرا ئه‌رجه‌نتینێ و یانا بارسێلونا ئیسپانى ئاشكرا كر، هه‌ڤژینا وى دڤێت ئه‌و گاڤه‌كێ بهاڤێژیت و مێسى ژى نه‌ڤێت بكه‌ت.
لێونێل مێسى و ئه‌نتۆنێلایێ چیرۆكه‌كا مه‌زنا ئه‌ڤینداریێ هه‌یه و هه‌رده‌م وه‌ك دو هه‌ڤژینێن د ئێكدو گه‌هشتى دیاردبن، به‌لێ بۆ جارا ئێكێ یه ئه‌نتۆنیلا ئاریشه‌كێ بۆ دروست دكه‌ت و فشار ئێخستییه سه‌ر كو ئه‌و بچیته ئه‌مریكا و یاریێ بۆ یانه‌یا ئینته‌ر میامى بكه‌ت، كو داڤید بێكهام ئه‌فسانه‌یا ته‌پاپێ یا ئینگلیزى سه‌رۆكایه‌تیا وێ دكه‌ت.
لیۆنێل مێسی، نوكه یێ ئازاده و دشێت دانوستاندنێ ل گه‌ل یانێن دى بكه‌ت و د هاڤینێ دا ئه‌و دشێت رێزێت بارسێلونا بجهـ بهێلیت.
و ل دویڤ وى ژێده‌رى ژى ئه‌نتۆنێلایێ كو په‌یوه‌ندى دگه‌ل هه‌ڤژینا لویس سوارێزى زۆرا بهێزه و هه‌رده‌م وه‌كى دو هه‌ڤالێن نێزیك ل بارسێلونا ژیانه، وانا دڤێت جاره‌كا دى ل ئه‌مریكا نێزیك ببنه‌ڤه و چێدبیت وانا پلانه‌كا هه‌ڤپشك هه‌بیت كو هه‌ڤژینێن خوه ببه‌نه ئه‌مریكا كو به‌رى نوكه بێكهامى ب ئاشكرایى راگه‌هاندبوو كو حه‌ز دكه‌ت مێسى و سوارێزى پێكڤه ببه‌ته رێزێن یانه‌یا ئینته‌ر میامى، و ژێده‌ر دیار كر ژى كو مێسى نه‌ڤێت نوكه بچیته ئه‌مریكا و حه‌ز دكه‌ت بۆ ده‌مێ دو سالێن دى ژى ل ئه‌ورۆپا یاریێ بكه‌ت.
