ساخله‌مییا عیراقێ: هژمارا تووشبوویێن کۆرۆنایێ د زێدبوونه‌كا مەترسیدار دایە

ئاخفتنكه‌رێ وه‌زاره‌تا ساخله‌مییا عیراقێ راگه‌هاند” ئه‌ڤ پێلا نوكه‌ یا كۆرۆنایێ گه‌له‌ك ب له‌ز به‌لاڤ دبیت و نوكه‌ 30 % پشكنین د ئه‌رێنى نه‌ و مه‌ چ كێشه‌ بۆ وه‌رگرتنا تووشبوویێن كۆرۆنایێ ل نه‌خۆشخانا نینه‌ و ئۆكسجین وهه‌مى چاره‌سه‌رى هه‌نه‌.

 سه‌یف به‌در” گوت ژی” ئه‌ڤ پێلا كۆرۆنایێ یا سه‌ره‌تایىیه‌ و پشتى ب دووماهی هاتنا وێ دێ شێن هه‌لسه‌نگاندنێ بۆ كه‌ین و دێ زانین كا به‌راورد ب پێلێن دى یا چه‌وایه‌ .

ناڤهاتی گوت ژى: د چه‌ند رۆژێن بورى دا رۆژانه‌ دو هه‌تا سێ هزار  تووشبوویێن كۆرۆنایێ مه‌ هه‌بوون و ژمارا تووشبوویان د زێده‌بوونه‌كا مه‌ترسیدار دایه‌ ئه‌گه‌ر ژى ئه‌ون كو خه‌لك پابه‌ندى رێنمایێن خۆپاراستنێ نابن . 

ئاخفتنكه‌رێ وه‌زاره‌تا ساخله‌میا عیراقێ گۆت ژی: پتر ژ 10 ملیۆن وه‌لاتیێن عیراقى ڤاكسینا دژى كۆرۆنایێ دانایه‌ و ئه‌و ژماره‌ یا كێمه‌ چونكی پلانا حكومه‌تێ ئه‌و بوویه‌ هه‌ر وه‌لاتییه‌كێ ژییێ وى ل سه‌ر 18 ێ دابیت 3 جارا ڤاكسینى وه‌رگریت و ئه‌وێن ژییێ وان دبن 18 ێ دا 2 جاران ڤاكسینى وه‌ربگرن و ژماره‌ د وى ئاستى دا نینه‌ یێ مه‌ دڤێت .