خانی نیوز:
به‌رنامێ پاداشت بۆ دادپه‌روه‌ریا ئه‌مریكا كۆژمێ ده‌هـ ملیۆن دۆلاران بۆ دانا ئاگاهیان ل دۆر هه‌ژماره‌كا سه‌ركردێن تۆرا دارایى یا حزبوللاها لوبنانى ته‌رخانكرن.
ل گۆره‌ى ئاگاهیێن به‌رنامێ پاداشت بۆ دادپه‌روه‌ریا ئه‌مریكا، ئه‌و سه‌ركردێن حزبوللاها لوبنانى ناڤێن وان محه‌مه‌د قه‌سیر و قاسم ئه‌لبه‌زال و عه‌لى قه‌سیر، ئیدارا ئه‌مریكا ژى كۆژمێ ده‌هـ ملیۆن دۆلاران بۆ ئاگاهیان ل دۆر ده‌سته‌سه‌ركرنا وان ته‌رخانكرینه.
به‌رنامێ پاداشت بۆ دادپه‌روه‌ریا ئه‌مریكا ئاشكرا ژى كر، ئه‌و سێ كه‌س به‌رپرسن ژ برنا په‌ترۆلێ و و پاراستنا پێگه‌هی ئیرانێ ل ده‌ڤه‌رێ.
ژ ئالییه‌كێ دى ڤه وه‌زاره‌تا گه‌نجینا ئه‌مریكا سزایێن ئابوورى ل سه‌ر هه‌ر ئێك ژ محه‌مه‌د قه‌سیر، عه‌لى قه‌سیر، نه‌بیل قائووك و حه‌سه‌ن به‌غدادى سه‌پاندینه، كو هه‌رموو ژى سه‌ركردێن حزلوللاها لوبنانى نه.
