شێوەکار ئەڤرێست سالح بێچار یا ١٤ سالی، د ژیەکێ کێم دا شیایە چەند تابلۆیێن ھونەری یێن جودا دروست بکەت و پشکداری ژی د ھەژمارەکا پێشانگەھان دا کرییە.
ئەڤرێست بێچار د دیدارەکێ دا بۆ خانی نیوز دیار کر، ھەر ژ زارۆکاتییا خوە وێ حەز ژ کارێ ھونەری ھەبوویە ب تایبەتی ژی ھونەرێ شێوەکاری و گۆت: ژ بەر وێ یەکی ژی ھەر ژ زارۆکینیێ وی دەست ب کارێ شێوەکاری کرییە، لێ ئەڤە دۆرێن چار سالانە دەست ب چێکرنا وێنەیان ب زەیتێ و کانڤاسی کرییە.
ئەڤرێست بێچار ئاشکرا کر، وێ پشکداری د پتر ژ دەھـ پێشانگەھان دا کرییە و تا نھا شیایە ھەژمارەکا مەزن یا تابلۆیێن زەیتی دروست بکەت و گۆت: شێوازێ وێ تایبەتە و دەربڕینێ ژ ژیانا سەخەتا ژنێ و رەوشا وێ دکەت.
ئەڤرێستێ دوپات کر، ئەو دێ ل سەر کارێن خوەیێن ھونەری و دروستکرنا تابلۆیان بەردەوام بیت ب تایبەتی ژی تابلۆیێن ب ژیانا ژنێ ڤە گرێدای و دێ بزاڤان کەت پتر گەشێ ب کارێ خوە بدەت کو بشێت ب ڤێ رێکێ ھزر و بێرێن خوە دەرببڕیت.
ئەڤرێست سالح ژ دایکبوویا سالا ٢٠٠٦ ێ یە و ئاکنجیا باژارێ سلێمانیێ یە و کچا ھەلبەستڤان سالح بێچارە و نوکە قوتابیە.
خانی نیوز، مەحمود نھێلی:
