ئەڤرۆ دەست ب بەلاڤکرنا مووچێ ھەیڤا شوباتێ یێن لیوایێن سەر ب وەزارەتا پێشمەرگەی ھاتەکرن و ژێدەرەکی ژی ئاشکراکر، ژبلی مووچەی دێ زێدەھیا سالێن بووری ژی بۆ ھێتە مەزاختن.
ژێدەرەکێ ئاگەھدار ل وەزارەتا پێشمەرگەی بۆ ئاژانسا خانی دیارکر: ئەڤرۆ رۆژا چارشەمبی دەست ب بەلاڤکرنا مووچێ ھەیڤا شوباتێ یێن لیوایێن ھەڤبەش ھاتیەکرن، ئەڤرۆ و سوباهى رۆژا پێنجشەمبی دێ ھەمى پێشمەرگەیێن لیوایێن ھەڤبەش مووچەی وەرگرن، کو زێدەتری 15 لیوایێن ھەڤبەش ھەنە و سەر ب دیوانا وەزارەتا پێشمەرگەنە.
ئەڤی ژێدەری گۆتژی: مووچێ وان لیوایێن ھەڤبەش ژلایێ ئەمریکا و ھەڤپەیمانان دھێتە مەزاختن و ھەیڤانە ددەمێ گەھشتنا پارێ ئەمریکا بۆ وەزارەتێ ئێکسەر دەست ب پڕۆسا بەلاڤکرنا مووچێ لیوایێن ھەڤبەش دھێتەکرن و دگەل مووچێ ھەیڤا شوباتێ ھەر پێشمەرگەیەکێ پلەیا وی ھاتبیتە بلندکرن دێ زێدەھیا مووچەی بۆ ھێتە مەزاختن.
