ئالیێن سیاسی یێن ئیراقێ ناخوازن د گەل حکومەتا ھەریما کوردستانێ رێکبکەڤن و دبێژنە جەماوەرێ خوە دەردەسەریێن ئیراقێ ژ بەر کوردستانێ نە، پەرلەمانتارێن کورد ژی دژاتیا خەلکێ خوە دکەن و دیرۆک دلۆڤانیێ پی نابەت.
لانە حافز، مامۆستایا زانکۆیێ و پەرلەمانتارا بەرێ یا ئیراقێ بۆ خانی نیوز راگەھاند، پشتی ژناڤچوونا رژێما بەرێ یا ئیراقێ نھا ھەمان عەقلیەتا دژومنکارانە ھمبەری ھەرێما کوردستانێ ھەیە، ئەگەر ژی ئەوە ناخوازن ھەرێما کوردستانێ یا بھێز بیت.
لانا حافز گۆت ژی: پشتی ل سالا ٢٠١٧ دەمێ کوردستانێ رێفراندۆما سەرخوەبوونێ کری، ئالیێن ئیراقی ناخوازن کوردان ئەو ھیز ھەبیت ببنە دەولەتا سەربخوە، ژ ئالییەکێ دی ژی ڤە ھەلبژارتنێن پێشوەخت د رێ دانە ئەو دخوازن ب رێیا دژایەتیکرنا کوردان دەنگان ل جادەیا ئیراقی کۆم بکەن و وەسا بۆ خەلکی ئاشکرا دکەن کو گرفتاریێن ئیراقێ ژبەر ھەرێما کوردستانێ نە.
مامۆستایا زانکۆیێ و پەرلەمانتارا بەرێ یا ئیراقێ گۆت ژی: شاندێ دانوستاندکارێ حکومەتا ھەرێمێ ھەموو مەرجێن بەغدا قەبوول کرینە کو د چارچووڤێ دەستووری دا بگەھن رێککەفتنێ د گەل ئیراقێ، لێ وەکو دیار ئەو بەردەوام مەرجێن بزەحمەتر ددانن دا رێککەفتن نەھێتە کرن.
خانی نیوز، عەزیز ھەورامی
