وەزارەتا پلاندانانا ئیراقێ را‌گه‌هاند، رێژا هەژاریێ ل ئیراقێ بلندبوویه و گه‌هشتییه %32، ڤایرۆسێ کۆرۆنایێ ئه‌گه‌رێ سەرەکی یێ بلندبوونا وێ رێژێ یە.
عەبدولزەهرە هنداوی، په‌‌یڤدارێ وەزارەتا پلاندانانا ئیراقێ راگەهاند، رێژا هەژاریێ ل ئیراقێ بۆ %32 بلند بوویه، ئەو بلندبوونه ژى پشتى به‌لاڤبوونا ڤایرۆسی کۆرۆنایێ بوویە.
گۆت ژى:، رێژا هەژاریێ ل ئیراقێ به‌رى به‌لاڤبوونا ڤایرۆسێ کۆرۆنایێ %20 بوویە، بەلێ ژ ئه‌نجامێ قەدەغەیا ده‌ركه‌فتنێ و رێكارێن رێكگرتنێ ژ به‌لاڤبوونا وى ڤایرۆسى ئه‌و رێژه بلند بوویه و نوكه ئیراق د ره‌وشه‌كا ئابوورى یا نه‌جێگیر دا ده‌رباز دبیت.
