دچارچووڤێ بزاڤێن حکومەتا هەرێما کوردستانێ بۆ گەشەپێدانا کەرتێ وەبەرهێنانێ ل هەموو کوردستانێ و ب تایبەتی ل دهۆکێ ل داوییا سالا 2021ێدا چەندین مۆلەتێن وەبەرهێنانێ ل دەڤەرێن جودایێن پارێزگەها دهۆکێ دایینە. ئێک ژ وان پێدانا مۆلەتا وەبەرهێنانێ بۆ پڕۆژەیێ کۆمەڵگەها شێلادزێ یا گەشتیاری کو ل ناحیا شێلادزێیە و سەرمایێ پڕۆژەی ژی 2 ملیۆن و 762 هزار و 400 دۆلاران ل سەر رووبەرێ (25665م2) و وەبەرهێنەر رێکان حسێن ئەسعەد، دێ ب دانانا پڕۆژەی رابیت، و ژ 22 یەکەیێن مۆتێلان و چەندین کۆشك و هۆلێن چالاکیێن جۆر و جۆر و خوارنگەهـ و کافتریا و مارکێت پارك و باخچەیان پێکدهێت، ، ئەڤە دێ دەرفەتا کاری بۆ هژمارەکا زێدە یا وه‌لاتیێن وێ ده‌ڤه‌رێ پەیداکەت و دێ گەشەییێ ب بوارێ گەشتیاریێ وێ دەڤەرێ دەت کو سرۆشت بۆ وێ چەندێ گەلەکێ گونجاییە و دێ گەشتیار پتر قەستا وێ دەڤەرێ کەن.
