ھەژمارا چارەسەربوویێن ڤایرۆسێ کۆرۆنایێ ل جیھانێ گەھشت ٥٨ ملیۆنان و ھەژمارا توشبوویان ٨٢ ملیۆن دەربازکرن.
ل گۆر خشتەیێ ئەڤرۆ یێ لژنەیا چاڤدێریکرنا ڤایرۆسێ کۆرۆنا، ھەژمارا چارەسەربوویێن کۆرۆنا ل جیھانێ گەھشت ٥٨ ملیۆن ٤٠ ھزار و ٧٠٨ کەسان، ھەروەسا تا نھا ٨٢ ملیۆن ٣٦٨ ھزار و ٣٢١ کەس ب ڤایرۆسێ کۆرۆنا تووشبووینە و ملیۆنەک و ٧٩٨ ھزار و ٢٧٠ تووشبوویان ل جیھانێ گیانێ خوە ژ دەستدایە.
ھەر ل گۆر خشتەیێ چاڤدێریکرنا کۆرۆنایێ، ئەو وەلاتێن پترترین ھەژمارا توشوبوویێن کۆرۆنا تۆمارکرین، ئەمریکا، ھندستان، بەرازیل، روسیا، فرەنسا، بریتانیا، تورکیا، ئیتالیا، ئیسپانیا و ئەلمانیا نە و ئیراق ژی ل رێزبەندیا ٢٥ یە کو ھەژمارا تووشبوویان دکێمبوونێ دایە.
