كۆمسیۆنا بلندا سه‌ربه‌خوه‌یا هه‌لبژارتنان ل عیراقێ راگه‌هاند، ئه‌و چاڤه‌رێنه دڤێ حه‌فتیێ دا ده‌سته‌یا دادوه‌ری پێداچوونێ دسه‌رجه‌م تانێن لایه‌نێن سیاسی ب داوى بینیت ئه‌وێن هاتینه پێشكێشكرن ژ وان لایه‌نێن نه‌رازى ژ ئه‌نجامێن هه‌لبژارتنان.
حه‌سه‌ن سه‌لمان، رێڤه‌به‌رێ راگه‌هاندن و په‌یوه‌ندیانیێن كۆمسیۆنا هه‌لبژارتنان ل عیراقێ ئاماژه ب وێ چه‌ندێ كر كۆمسیۆن داخوازا ئێكلاكرنا سه‌رجه‌م تانێن هاتینه لایه‌نێن سیاسی یێن نه‌رازى ژ ئه‌نجامێن هه‌لبژارتنان دكه‌ت ئه‌وێن نوكه دا ل ده‌ڤ ده‌سته‌یا دادوه‌ریی، دهێته چاڤه‌رێكرن دڤێ حه‌فتیێ دا پێداچوونا وان بكه‌ن وب دوماهیك بهێت.
ل رێكه‌فتى هه‌شتى ڤێ هه‌یڤێ كۆمسیۆنا بلندا سه‌ربه‌خوه‌یا هه‌لبژارتنان ل عیراقێ دیاركر سه‌رجه‌م تانێن سیاسی ب به‌لگه و ئه‌نجامێن ده‌ستپێكى یێن هه‌لبژارتنان پێشكێشى ده‌سته‌ى دادوه‌ریی كربوون.
