د دیدارێدا گه‌نگه‌شه ل دۆر گه‌شه‌پێدانا په‌یوه‌ندی و هه‌ماهه‌نگییا ناڤبه‌را فه‌ره‌نسا و هه‌رێما كوردستانێ و بزاڤێن به‌رهنگاربوونا تیرۆرێ هاته كرن.
فه‌رمانده‌یێ گشتییێ هێزێن ئۆپه‌راسیۆنا تایبه‌ت یا فه‌ره‌نسا ئاماژه ب پێگه‌هێ گرنگێ هه‌رێما كوردستانێ كر وه‌كو فاكته‌ره‌كێ سه‌قامگیریێ ل ئیراقێ و ده‌ڤه‌رێ و دووپاتكر، سه‌ره‌دانا وى بۆ هه‌رێما كوردستانێ بۆ دووپاتكرنا درێژه‌پێدانا كار و هه‌ماهه‌نگییا ناڤبه‌را هه‌رێما كوردستانێ و فه‌ره‌نسایه د چارچووڤێ هه‌ڤپه‌یمانییا نێڤده‌وله‌تییا دژى داعشێ.
سه‌رۆكێ حكومه‌تێ سوپاسییا پشته‌ڤانییا به‌رده‌وام یا فه‌ره‌نسا كر و به‌رهه‌ڤییا هه‌رێما كوردستانێ بۆ گرنگیدانا زێده‌تر ب په‌یوه‌ندییان وكارێ هه‌ڤبه‌ش و هه‌ماهه‌نگییا هه‌ردوو لا نیشاندا.
