مه‌حموود محه‌مه‌د: پۆستێ سەرۆککۆمارى بۆ ئێكه‌تیێ نه‌هاتییه‌ ئیكلاكرن

مه‌حموود محه‌مه‌د ئاخفتنكه‌رێ پارتى دیمووكراتى كوردستان ده‌رباره‌یی پۆستێ سه‌رۆك كومارى و پارێزگه‌رێ كه‌ركووكێ دیاركر، پۆستێ سه‌رۆك كومارێ عیراقێ دێ بۆ كوردان بیت، به‌لێ دیارنه‌بوویه‌ دێ بۆ كیژ لایه‌نی بیت ئه‌ڤ بابه‌ته‌ پێدڤى ب دانوستاندنێ یه‌ ، هه‌ر دیسان دیاركر شاندێ پارتى ل به‌غدا دگه‌ل پتریا لایه‌نێن سیاسی دانوو ستاندن كرییه ل سه‌ر پێك ئینانا حكومه‌تا نوو یا عیراقێ.

مه‌حموود محه‌مه‌د، سه‌رباره‌ت سه‌ره‌دانا لایه‌نێن شیعى بۆ هه‌رێما كوردستانێ دیاركر، به‌رى نوكه‌ پتر یا لایه‌نێن شیعى و كه‌سێن ئێكێ سه‌ره‌دانا هه‌رێمێ كرییه‌ و تایبه‌تى پارتى و دگه‌ل سه‌رۆك بارزانى كومبوویه‌ و یا پێدڤییه‌ ئه‌و ئاریشێن دناڤ به‌را هه‌ولێر و به‌غدا دا بهێنه‌ چاره‌سه‌ركرن، سه‌ره‌دانا شاندێ پارتى بۆ به‌غدا نه‌ بوو رێكه‌فتنێ بوو دگه‌ل لایه‌نێن شیعى یان سونى به‌لگه‌ چوونا شاندى بۆ به‌غدا بۆ لێك تێگه‌هشتنێ بوو دناڤ به‌را لایه‌نان دا و چه‌وانیا ره‌فتاركرنێ دگه‌ل ڤێ ره‌وشا نوكه‌ عیراق تێدا .