ئه‌ڤرۆ پشتى نیڤرۆ 2/11/2021 ل كوچكا مێهڤانداریێ د. عه‌لى ته‌ته‌ر پارێزگارێ دهۆكێ پێشوازی ل (گریگورى لوگێرفا) جێگرێ بالیۆزێ ئه‌مریكا ل عیراقێ (روبێرت په‌لادینو) كونسلێ ئه‌مریكا ل هه‌رێما كوردستانێ و شاندنێ ل گه‌لدا كر.
دهه‌ڤدیتنه‌كێدا باسێ په‌یوه‌ندیێن دێرین دناڤبه‌را وه‌لاتێ ئه‌مریكا وهه‌رێما كوردستانێ و ره‌وشا خه‌لكێ ده‌ڤه‌رێ وپێكڤه ژیانێ و ره‌وشا ئاواره و په‌نابه‌ران ل پارێزگه‌هێ و ئه‌نجامێن هه‌لبژارتنێن ڤێ دووماهیێ یێن عیراقا فیدرال ب گشتى هاته كرن.
پارێزگارێ دهۆكێ: بخێر هاتنا شاندێ بالیوزخانا ئه‌مریكا كر وته‌كه‌زكر كو په‌یوه‌ندیێن هه‌رێما كوردستانێ و ئه‌مریكا ددێرین وپشتى سالا 1991 وشه‌رێ ئازادیا عیراقێ ل ساڵا 2003ێ ئه‌ڤ په‌یوه‌ندیه پتر پێشكه‌فتینه .
هه‌روه‌سا گوت ژی: مه ب هه‌ڤرا كاركرییه وخوینا سه‌ربازێن ئه‌مریكى و پێشمه‌رگێن كوردستانێ تێك هه‌لبوویه ژ پێخه‌مه‌ت ئازادى و دیموكراتیێ و خواست كو ئه‌ڤ په‌یوه‌ندیه به‌رده‌وام پێشكه‌ڤتنێ ب خوه‌ڤه ببینن.
پارێزگارێ دهۆكێ سوپاسیا ئه‌مریكا كر بۆ وێ پشته‌ڤانیا جۆدا یا بۆ هه‌رێما كوردستانێ دهێته كرن و خواست كو ئه‌مریكا پتر پشته‌ڤانیا هه‌رێمێ و پارێزگه‌ها دهۆكێ د بیاڤێ مرۆڤایه‌تیدا بكه‌ت ” چونكی هێشتا رێژه‌كا زۆر یا ئاواره و په‌نابه‌ران ل سنۆرێ پارێزگه‌ها دهۆكێ هه‌نه و پێدڤى ب هاریكاریێن مروڤایه‌تى هه‌یه.
جێگرێ بالیۆزێ ئه‌مریكا ل عیراقێ گۆت: ئه‌مریكا و جڤاكێ ناڤده‌وله‌تى سه‌ربلندن ب هه‌بوونا كلتۆرێ پێكڤه ژیانێ ل ڤێ ده‌ڤه‌رێ و ڤه‌حه‌واندنا ژماره‌كا زۆر یا ئاواره وپه‌نابه‌ران ل پارێزگه‌هێ.
